ياهلا ويا مرحبا باللي لفانا يا هلاا
بعد هالترحيب ابغا ردود اذا ممكن
هاذي قصيده للشاعر طارق المحياس للي ما يعرفه هو شاعر اماراتي
بس فلللللله
كفاية صار لك شهرين غايب عني يا لغالي
كفاية يا اعز الناس ترى والله ما اقدر
دخيلك لا تخيب فيك هقواتي وآمالي
وإذا أنها ع الصبر والله وغلاتك عندي راح اصبر
أبا أتحمل عنى فرقاك وحالي يرثي لحالي
مع أني والله ألين اليوم مدري ليش بس تهجر
أبا اعرف شو السبب أرجوك وش اللي بس يجرا لي
أنا ايش سويت يا ربي عشان تثور وتتفجر
أنا الله مستاهل ابد كل اللي يجرا لي
اقل ما فيه بس قلي سبب خلاك تتغير
أبا اعرف بس شو الموضوع علامك صرت ما تبالي
بذمة كل اهلك في يوم شفتني بشئ أنا مقصر
عطيتك قلبي وروحي وهبتك حالي ومالي
حملت إحساس ها لدنيا وعطيته لك وأنا افخر
عشقتك عشق لا قبله ولا بعده أنعشق تالي
هويتك موت وتخيل ألين الموت وتصور
وإذا جاني مسج منك مخزن رقمك الغالي
ولا امسح رسالتك أتم اقرها وأفكر
وحلل كل كلمه بالمسج الله يغربالي
وقول في خاطري معقولة حاسس فيني ويشعر
ورد أقول لا يمكن تذكرني وهو سالي
لأني توني مطرش مسج وطرش مسج يشكر
ورد و أقول لا ادري يبيني وحاسس بحالي
ورد أقول لا ما ظن على باله أنا اخطر
اللين أني أنا اتاكدت قلبه بالفعل خالي
ولا غيري أنا بقلبه يحبني موت ويقدر
لأني مره مالمرات طرت فكره على بالي
نويت ازعل بدون أسباب وأشوفه لو بيتأثر
أبا اعرف قدري بقلبه بيهمه وضعي لحالي
أو انه بيطنشني ولا يسال ويستفسر
وفعلا دق وما جاوبت حرق لي والله جوالي
ثلاثة ألاف مره دق وأنا مطنش ولا معبر
كتب لي بالمسج اطلع أنا عند بابك لحالي
قسم بالله ما تطلع لخربها أنا وحجر
ومشكلتي اعرفه زين يسويها ولا يبالي
نزلت وخاطره مكسور يقول أش فيك متغير
وقلت له بس أبا اتاكدت إذا قدري معك عالي
ضحك لي وقالي اتاكدت ودمعه بلل المحجر
وطارت فيني الدنيا لمكاني صاحبي جالي
تعذر لي وأنا الغلطان وأنا اللي لازم أتعذر
بعدها عشت أحلى أيام في قربه هنيالي
وصلنا لمرحله ما نفترق عن بعضنا وأكثر
بعدها فجأة خلاني ولا يسأل عن أحوالي
وأنا في خاطري ادري هو حالف في يوم يتغير
أدق له ما يجاوبني بديت اشك في حالي
أخاف انه حصله شئ أخافه بس متكدر
لعب في قلبي الوسواس خياله ماتهيالي
حوالي ألف مسج طرشت حبيبي يا عسى ما شر
ولا جاوب وأنا قاعد على أعصابي وغربالي
حبيبي صار له أسبوع فيني حتى ما فكر
ألين أني عرفت اشلون اخلي خلي الغالي يكلمني
وجت فكره بعد ما مت وأنا فكر
وفعلا اتصل فيني وبدأت أحزاني وأهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته وقلت له وش فيك ما من شر بالغالي
وش اللي صار بالدنيا علامك ليش متغير
أو انه يعني ما تدري بدونك صرت أنا لحالي
ولا لي خلق أي إنسان كثر ما فيك أنا أفكر
وجاوبني وقال أرجوك أبي ها لدنيا تصفا لي
أنا ملي من وضعي وأشوف الكل متغير
أنا ضاقت بي الدنيا وأبي أبقى أنا لحالي
خلاص اتركني لا تسأل وأنا برجع عقب اشهر
وقلت له شو الموضوع بدا قلبي يدق أكثر
سكت لحظه وقال أرجوك ابعد عني بالغالي
وخلني أذكرك بالخير وانته مثلي أتذكر
ولا تطرش مسج واحد ولا تدق لي ابد تالي
وإذا لي خاطرا عندك لا تتكلم ابد سكر
وقلت له والله ما سكر اللين تقول وتصفا لي
وقالي والله ما أتكلم ولو تبكي دمع احمر
ولكن شوف ربعك وانته تعرف بس وش جالي
خلاص افهمها ع الطاير لا تحرجني بعد أكثر
وسكر والدمع على الخدين همالي
قسم بالله ما ادري علامه قلبه تحجر
فؤادي انهار وأنا حملي يهد جبال وجبالي
في لحظه صارت الدنيا في عيني هالكبر وصغر
حسافه ما هقيته يوم يصد عني ويتغير
بعدها صار لي ما صار وربي يعلم بحالي
فؤادي باقي بس شوي وأحسه من الجسم يظهر
بديت اعرق مدري ليش وخابت كل آمالي
أنا أتوقعت كل الناس ولا توقعت هو ينكر
وقلت في خاطري خله مصيره يرجع الغالي
أكيد انه سمع أي شئ وجوده صار متعكر
ولكن طول غيابه وزادت فيني إعلالي
مرض قلبي تعب فكري وحسه جسمي متخدر
وقلت خلني أطرش له مسج وشكيله أحوالي
وطرشت المسج وشوي دقلي ودون ما فكر
هلا والله با أغلى الناس هلا والله يالغالي
آلو ورد ما قلت لك لا تذكرني ولا اذكر
أبي بس أذكرك بالخير ياخي خلني في حالي
وقلت وخاطري مكسور أنا آسف وماكرر
قسم بالله ألين اليوم وحالي يرثي لحالي
قسم بالله ألين اليوم ولا ادري ليش هو تغير
قسم بالله ما غظت عيوني ولا هدى بالي
قسم بالله ما مر يوم إلا وفيه أنا فكر
قسم بالله قلت بنساه بس طيفه يتهيأ لي
قسم بالله لو حاولت أنا أنساه أتذكر
ألين اليوم عندي أمل يرجع ويصفا لي
أقول الشوق بيرده على فرقاي ما يقدر
ألين اليوم وضحكاته وبسماته على بالي
ألين اليوم ما ارقد كثر ما فيه أنا فكر
أبا اعرف شو السبب أرجوك وش اللي بس يجرا لي
أنا ايش سويت يا ربي عشان تثور وتتفجر
أنا الله مستاهل ابد كل اللي يجرا لي
اقل ما فيه بس قلي سبب خلاك تتغير
أبا اعرف بس شو الموضوع علامك صرت ما تبالي
أنا راح انتظر ردك ولو حتى بمسج خالي
وإذا ما جاني منك الرد وغلاتك عندي راح اصبر
سنه سنتين اللي يهم أشوفك ثاني إقبالي
ثلاث سنين أو أربع أبصبر يعني راح اصبر
ولكن حكم إحساسك وجاوب يغلك الغالي
بذمت والديك أيهون تنساني ولا تذكر
يهون انك تخليني ولا تسأل ولا تبالي
يهون انك تنام الليل وتخليني أنا اسهر
كفاية صار لك شهرين غايب عني يا لغالي
كفاية يا اعز الناس ترى والله ما اقدر
دخيلك لا تخيب فيك هقواتي وآمالي
وإذا أنها ع الصبر والله وغلاتك عندي راح اصبر
وغلاتك عندي راح اصبر
وسلامتكم
هي قصيده صحيح طويله بــــــــــــــــــس
شو رايكم